ASC Documenti

Bosco Giovanni

Item

Titolo

IT Bosco Giovanni

Collocazione (Segnatura)

IT ASC-DOC-X000-01-20

Tipo di Documento

IT A3 fotocopia + allegato

ID della Scatola

IT X000

Titolo della Scatola

IT RACCOGLITORE

Sottotitolo della Scatola

IT 1

Regesto

IT Lettera cooptationis Pallottini, Roma 1884

LITTERAE COOPTATIONIS IN PIAM SOCIETATEM MISSIONVM
A SERVO DEI VINCENTIO PALLOTTI FVNDATAM
SVB TVTELA IMMACVLATAE VIRGINIS MARIAE APOSTOLORVM REGINAE

Dilecto in Christo Domino Rev.mo Domino Ioanni Bosco Rectori Majori Salesianae Societatis.

Quum in hanc nostram Piam Societatem adscribi postulaveris , ut operam tuam conferas ad propagandam Fidem inter infideles, haereticos et schismaticos, nec non ad magis augendam charitatem inter Catholicos iuxta finem eiusdem Societatis; Nos qui huic Societati licet indigni praesumus, dum Domino benedicimus qui mittit Operarios in messem suam, votis tuis libenter annuentes, te per hasce Litteras manu nostra subscriptas, sigilloque Nostri Officii munitas, in hanc Piam Socie- tatem suscipimus atque cooptamus, nec non tuam Societatem in honorem et sub protectione S. Francisci Salesii institutam.

Scias itaque te virtute praesentium, participem fieri omnium Missarum, Horarum Canonicarum recitationis, Evangelici Ministerii exercitationis, Precum, Contemplationum, Poenitentiarum, Carnis macerationum, ac caeterorum bonorum spiri- tualium, quae tam privatim quam publice, non modo a Nostra hac Societate, verum etiam a Religiosis Ordinibus Monachorum, Fratrum, Clericorum Regularium, Sodalitatum, necnon a Monialibus iisdem Ordinibus subiectis, adiuvante Omnipotenti Deo, ubique terrarum peraguntur: uti constat ex Rescripto PAPAE PII IX. dato die 1 Iulii 1847. quod in Archiviis Piae Nostrae Societatis ad SSmi Salvatoris in Unda asservatur. Insuper noveris te lucrari posse Indulgentias fere innumeras illorum Religiosorum Ordinum quibus a Summis Pontificibus datum est eas aliis communicare, quasque Nostrae Societati communicasse, tum ex Regestris eorundem Religiosorum Ordinum, tum ex eorum Diplomatibus concessionis patet.

Quod quum exequimur, speramus fore ut sit tibi incitamentum efficax strenue et perseveranter in vinea Domini collaborandi , ad maiorem eiusdem Omnipotentis Dei Gloriam, ad destruendum peccatum , ad salvandas animas. Quod faxit Deus per intercessionem Immaculatae M. V. Apostolorum Reginae.

Datum Romae e S. Recessu SSmi Salvatoris in Unda.
Die 12 Mens. Maji Ann. 1884.

Pro Rectore Generali
Carolus Maria Orlandi
Sacerdos dictae Piae Societatis Missionum.

A Secretis

Item sets

document items set

Media

ASC-DOC-X000-01-20